" Ensera Pengerindu "

" Pengerindu Betelai, Penyayau Belalai  "

Dinga-dinga nuan dara
kangau lelenggau sada nyawa
lelenggau ka ambai asai ka gila
ribut bepuput mai berita

Berasai puang nadai nuan kumang

Duduk ngerimbai ngelekai bintang 

Janji tua idup semati semaya enda balang

Besimpol janji, ati sigi enda limpang

Nuan Dara Kumang Menua 

Lelenggau ka nuan ngasoh ati mawa

Penyayau pengerindu nanggam semaya

Pengingin ati ka nuan belama

Beraie aku ka nuan Intan...
Sayau aku ka nuan Ambai...

Semampai ingat endang meruan
Ai mata nerusu labuh enda berasai

Nuan Dara Bajik... peda-peda mata
Tuchum nuan racun pemanis gula
Ensiban pengerindu ati bepedi belama
Oh! Kumang... nuan meh ambai siang enggau malam
Kaki baru ka nyingkang, Berunding nikal berumban

Nuan Dara Imun... peda-peda ajak
Ngasoh atiku ruboh ngelinau lintan
Senayau nuan ngeregau mimpi demalam
Oh! Kumang... nuan meh bintang nyuluh jauh bulan keleman
Jari ka nyapai perenching nuan ngenduan ayan

Pengerindu tua betelai
Lelenggau tua semampai
Janji semaya tua nengkadah bulan
Penyayau tua endang meruan
Pengerindu enda leju seagi seput enda padam
Ensera Pengerindu aku ka nuan.

Ensera Pengerindu
BujangAmbaiKumang80
Friday 08/08/2008